Претходно
Стан во Лондон совршен за млад човек со добар вкус за дизајн
Датум: 29 ное 2013
Коментари: 0
Лондон е еден од највозбудливите Европски градови, постојано се шири, се појавуваат нови можности и идеи. Има некоја посебна софистицираност. Маглата и грандиозната архитектура создаваат интересна атракција на која не можат да им одолеат туристите од целиот свет. Но, кога треба да си најдете постојан дом во Лондон, барањето стан во толку голем град може да претставува вистински проблем.
Овој стан е лоциран во историската Едвардијанска зграда, близу финансискиот дистрикт на улицата Леман. За неговото уредување е одговорна фирмата TG-Studio. Тие имале важна задача – да го уредат просторот во обновената стара зграда и притоа да не ја занемарат нејзината околина со стари градби.
Во станот се истакнуваат боите и спонтаноста, амбиентот е совршен за млад човек со добар вкус за дизајн. Топол и удобен, а истовремено со изразито современ и природен карактер, во овој стан се одразува космополитската елеганција на Лондон.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
