Претходно
Рајска куќа на совршена локација
Датум: 17 окт 2011
Коментари: 0
На островот Форментера во Шпанија можете да наидете на многу интересни и релаксирачки куќички, но оваа некако е направена со посебен шмек. Форментера е остров кој до 15 век не бил населен и за разлика од најблискиот соседски остров, бучната Ибица, овој нуди навистина мирен и пријатен одмор.
Овој стил на архитектура можете да го видите по целиот остров. Куќите се градат едноставно, само од дрво и ѕидови од гипс. Низ целата куќа доминираат елементи изработени од дрво, а кровот на некои места е направен само од трска. Тоа е така бидејќи на овој остров речиси и да не врне.
Во куќата има едноставна трпезарија, интересна кујна, прекрасна спална и неодолив двор. Можеби естетски средениот двор е токму тој кој најмногу плени. Целиот е покриен со дрвен патос како бродска палуба, а малиот базен и меките лежалки со многу перници само ја надополнуваат совршената слика. Прекрасно рајско место, во кое може да се ужива додека се лежи под сенките од палмите и се пие освежителен коктел.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
