Претходно
Прекрасни бамбусови куќички на Бали
Грин Вилиџ е населба со прекрасни еко-куќи направени од бамбус, сместена во долината на реката Ајанг, на индонезискиот остров Бали. Просторот за домување е изграден во соработка со училиштето „Грин“, место кое на учениците им овозможува природна образовна средина на едно од најубавите места на планетава. Од училиштето брзо се стига пешки до куќите, кои се дизајнирани така, за да се претопат со фантастичниот пејзаж.
Секој дом е конструиран од бамбус и се многу издржливи. Според директорката, која воедно е и главен дизајнер, Елора Харди, ни издржливите градежни материјали не можат да се споредат со бамбусот, кој доколку се одржува добро, може да трае цел век.
Престојување во некој од овие домови, е како да сте на летен одмор, секој ден во годината. Сопствениците на овие фантастични домови, имаат можност да уживаат во уникатната архитектура, интересните балиски културни настани и во домашната испорака на некои од најдобрите органски производи во светот. Целиот проект е да покрене свеста за образование, а 15% од профитот оди за фондот за стипендирање студенти во училиштето Грин, за добивање бесплатно школување.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
