Почувствувајте дел од стилот на седумдесетите во вашиот дом

Време е добро да се запознаеме со стилот кој повторно станува актуелен и кој претставува еден вид одмазда за модерните времиња. Добро, можеби одмазда е престрог збор, но сепак постои интересно тврдење кое вели дека е одговор против модерниот минимализам. Во секој случај, агресивноста во враќањето на ерата може да се припише на експлозијата од бои и енергичноста кои се карактеристични за ентериерот од седумдесеттите.

Почувствувајте дел од стилот на седумдесеттите

Филозофијата во дизајнот на ентериерот од седумдесеттите е пресликана преку земјените хипи тонови како златно-жолта боја, цигли, ‘рѓа, големи дрвени плочи, впечатливи дезени, геометриски форми и слично. Сите тие одново се искористуваат во модерните варијанти и комбинации. Ве покануваме на кратко патување назад во сончевата хипи ера и весели дизајни со ретро изглед.

Обложување со дрвени плочи

Почувствувајте дел од стилот на седумдесеттите

Овој ентериер изгледа познато, но модерните дизајни не оддаваат чувство како штотуку да сме излегле од временска машина. Обложувањето на ѕидовите и плафонот со дрвени плочи, комбинирањето мебел во златно-жолта боја и додавањето кауч во форма на буквата „Г“ одлично се вклопуваат во модерните декоративни елементи и даваат впечаток на нешто што е одамна познато, а сепак сосема ново.

Ретро катче за читање

Почувствувајте дел од стилот на седумдесеттите

Геометриските форми кои се отпечатени во голем формат и поставени на ѕид, како и футуристичките бели столици одлично се вклопуваат со модерните детали како тепихот од кожа од крава и црно-белиот портрет на куче. Експлозијата на светли бои е исто така детаљ кој потсетува на минатото.

Воздржаност

Почувствувајте дел од стилот на седумдесеттите

Прекрасен пример за модерното прифаќање на воздржаните дизајни е златно-жолтиот кауч, фланелот и придушената светлина кои доаѓаат до израз во минимално декорираната дневна соба.

Суптилност

Почувствувајте дел од стилот на седумдесеттите

Геометриските форми, интересните дизајни на столици и темно зелената земјена боја на ѕидот одлично одговараат со она што е суптилно истакнато во модерниот дом – столици во пастелни бои, под со дезен во форма на рибина коска и плакари/креденци од дрво.

Кратко патување до шеесеттите

Почувствувајте дел од стилот на седумдесеттите

Како интересна споредба со дизајнот од седумдесеттите е навраќањето кон необичните шеесетти. Храбар и предизвикувачки чекор е „распрскување“ на поп-арт деталите во кујната. Ако тоа не е целосна спротивност на минимализмот, тогаш што е?

Земјени тонови

Почувствувајте дел од стилот на седумдесеттите

Тука повторно се јавуваат дрвените ѕидови покрај големите доминантни геометриски форми, модернистичкиот мебел и земјените, смирени тонови на подот и декорациите. Она што би го направило овој ентериер помодерен е дрвена маса која изгледа како да лебди во просторот.

За авторот
Инженер под влијание на силни филмски маси. Далеку од реалноста, блиску до паметот. Иако крајот на филмот Живот го знаеме сите, сепак убаво е да уживаме додека трае.

Поврзани содржини

Остави коментар