Претходно
Неверојатен хотел со поглед кон прекрасни пејзажи
Хотелот „Juvet Landscape“ се наоѓа во северозападна Норвешка и она што е карактеристично за него се прекрасните глетки. Големите ѕидови од стакло ги тераат посетителите да погледнат кон надвор, кон неверојатните пејзажи. За разлика од вообичаените хотели каде што сите гостински соби се во една структура, сместувањето во овој хотел е во индивидуални куќи кои се распоредени насекаде низ околината. Секоја гостинска соба има еден или два „ѕида“ кои се целосно направени од стакло и со тоа им се овозможува на гостите да ги набљудуваат промените на времето, денот и сезоната.
Она што погледот од овие соби не вклучува се останатите гости – ниту една соба не е насочена кон друга. Што се однесува до ентериерот, хотелот е дизајниран да го зголемува влијанието на пејзажите – ѕидовите се прелиени со провидно масло со црни пигменти за да се намали рефлексијата од внатрешната површина на прозорите.
Хотелот се наоѓа во Валдал, област во близина на градот Андалснес каде што сите градби се поставени на огромни железни шипки избушени во карпите со цел да се зачува топографијата и вегетацијата. Архитектите од „ Jensen & Skodvin Architects“, кои го дизајнираа овој хотел велат:
„Не сакавме да употребуваме динамит, туку сакавме проект кој би можел да биде отстранет без да остави никакви лузни во околината, па поради тоа одлучивме да гледаме на куќите како на гости на ова место.“
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
