Претходно
Минијатурни светови кои ќе ви ја разбудат фантазијата
Датум: 29 фев 2012
Коментари: 0
Автор: Петар Тодоровски
Колекцијата фотографии „Мал свет“ на американскиот фотограф Курт Мозес е најкраткиот пат до некој свет од фантазијата. Во него секојдневните ситуации се сместени во несекојдневна околина, и тоа без употреба на Фотошоп и слични алатки, туку само со користење на природна светлина.
Курт оваа колекција ја направил со помош на својата сопруга, со којашто тргнале на патување за да ги најдат совршените локации за фотографирање. Иако повеќето им биле однапред замислени, помеѓу овие фотографии има и такви кои се направени при моменталната инспирација на Мозес.
За „Мал свет“ тој вели: „Мојата цел беше едноставна: да направам фотографија со приказна, која ќе буди емоции и ќе му дозволи на гледачот да извлече сопствени заклучоци за сцената која ја набљудува“.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
