Претходно
Манигами – уметност со банкноти
Иако живееме во време во кое парите предизвикуваат многу стрес, уметниците успеваат да најдат начин од нив да создадат нешто кое што ќе го привлече човечкото око, ќе ги задоволи естетските потреби и ќе предизвика задоволство.
Манигами е токму таква уметност која се изработува со пари. Тоа е варијанта на добро познатата традиционална јапонска уметност на превиткување на хартијата во различни форми наречена оригами. Поимот оригами доаѓа од зборовите „ору“ (превиткување) и „ками“ (хартија), а името манигами значи оригами од банкноти.
За разлика од вообичаените манигами-дела, примероците на јапонскиот уметник Хасегава Јосуке се издвојуваат со својата инвентивност и оригиналност. Тој банкнотите ги превиткува на начин што од нив создава портрети на лидерите чии ликови се наоѓаат на нив, а притоа секој од нив носи шапка соодветна на земјата од којашто доаѓа.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
