Претходно
Мајка го црта целиот живот на својот двегодишен син
Голем број родители за да ги овековечат сите моменти кога нивните деца се мали, користат камери и фотоапарати. Тоа не е случај и со мајката Енџи Стивенс, која го илустрира секој ден на нејзиниот двегодишен син Груф, откако е роден.
Колекцијата со слики на Енџи содржи преку 700 отсликани моменти на Груф со неговите две сестри Мили и Еви. Оваа 38-годишна мајка секој ден троши околу 20 минути за да нацрта нов момент на своето синче. Нејзините дела таа ги објавува на блогот „Doodlemum“. Освен децата, на нејзините цртежи можат да се забележат и други членови од семејството, како мачката Арни, кучето Бони и уште четири кокошки.
„Овие цртежи ќе им бидат многу драг спомен на децата, верувам дека ќе им значат многу повеќе одошто да беа фотографии“ – вели Енџи.
Покрај весели моменти, Енџи на сликите илустрира и тепачки, кавги и разочарувања на децата, прикажувајќи го нивниот живот онаков каков што им е.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
