Претходно
Кога фотографиите почнаа да комуницираат…
Датум: 25 мај 2012
Коментари: 0
Минатата година првпат се запознавме со терминот кинемаграфии (cinemagraph), кој беше употребен за да се објаснат подвижните фотографии, креирани од страна на фотографката Џејми Бек и веб-дизајнерот Кевин Бург, кој се занимава и со подвижна графика и видео обработка. Сега, талентираното њујоршко дуо, повторно се враќа на сцената со нови, чудесни и уште поинтересни анимирани фотографии во GIF формат. 
Спојувањето на содржината од обичната фотографија со желбата таа да почне повеќе да комуницира со набљудувачот го произведе кинемаграфскиот процес. Артистите прво прават традиционална фотографија и потоа го комбинираат живиот момент во сликата, вметнувајќи ја во неа изолираната анимација, која е создадена од повеќе слики (фрејмови).
Визуелниот графички артист Кевин Бург започнал да експериментира со форматот .gif во овој контекст, во 2009 година, но немал реализација сѐ додека не оформил партнерство со фотографката Џејми Бек, со која работеле на њујоршката модна недела, а таму се родиле кинемаграфиите.
За крај, повторно ќе ја цитираме фотомоделката Коко Роча, која беше дел од првата кинемаграфска фотосесија на Кевин и Џејми: „Тие се повеќе од фотографии, но не се баш ни видеа“. Уживајте. 🙂 
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
