Претходно
Како изгледа главната централа на Твитер во Сан Франциско?
Датум: 24 дек 2013
Коментари: 0
Тагови: Сан Франциско, Твитер, атмосфера, градина, канцеларија, кафетерија, колоритно, креативност, мебел
Добро работно место во коешто ќе уживате, во денешно време не подразбира само имањето интересни проекти, фин шеф и дружељубиви колеги. Сè повеќе и повеќе големи компании, а сега и Твитер, им овозможуваат на нивните вработени динамична работна атмосфера, која е визуелно примамлива и истовремено придонесува за зголемување на продуктивноста и ефикасноста.
Лоцирана во Сан Франциско, глобалната централа на Твитер е составена од два ката кои се во склоп на историска зграда во арт-деко стил, изградена во 1937 година. Канцелариите на Твитер ги направила компанијата IA Interior Architects, во соработка со Lundberg Design.
Осветлените, отворени работни средини и групни простории, колоритните ѕидови и убавиот мебел, во кој е вклопена и препознатливата сина боја на социјалната мрежа, ги мотивира вработените и им влева креативност. Освен можноста секој ден да уживаат во шармантното работно место, вработените во овие канцеларии исто така имаат и пристап до студио за јога, фитнес просторија, соба за видео игри, како и голема кафетерија и огромна градина на кровот.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
