Претходно
Иновативни дизајни за календари
Датум: 22 јан 2013
Коментари: 0
Календарите се навистина неопходни за добра организација, а многу компании ги користат и како одличен рекламен материјал. Како по правило секогаш се изработуваат во добро познатата, здодевна форма, но како што покажуваат сликите постојат навистина интересни дизајни за календари. Уверете се и самите!
Овој календар функционира на тој начин што врз основа на темпирање на времето на ширење мастилото се обележуваат деновите во месецот. Мастилото се апсорбира бавно во хартијата па на тој начин секојдневно се „печати“ нов ден во календарот. По еден дневно, броевите се исполнуваат со мастило сè до крајот на месецот, па така календарот укажува и на истекувањето на времето што го имаме, а не само на обележување на нов ден. Боите варираат во зависност од тоа за кој месец станува збор, од темно сина во декември, па сè до три нијанси на зелено во пролет. 
Чувајте си паричка при рака и изгребете го секој ден од календарот! Откријте нова шега, мудра мисла или интересна идеја под секој датум.
Овој календар ќе ви помогне да се држите до старото добро правило „едно јаболко на ден, доктор надвор од дома“. Откако ќе го отстраните јаболкото на дното од цевката, останатите се спуштаат надолу и на тој начин се открива датумот.
Спирална форма на календар којашто навистина добро изгледа, а и ќе ви биде интересна многу подолго отколку обичните календари. Деновите се обележани со посебна легенда за бои. 
Заштитните кеси со меурчиња се навистина добра занимација, па зошто да не си го пружиме задоволството да „испукаме“ по некое секој ден?
Во продолжение следуваат уште неколку иновативни календари.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
