Претходно
Гламурозен престој за навивачите на СП во Катар 2022
Датум: 20 јун 2013
Коментари: 0
Малата арапска држава Катар се соочи со многу критики откако беше избрана за да биде домаќин за Светското првенство во фудбал 2022 година. Не само што се појавија грижи за разладување на големите стадиони и гостите во текот на брутално жешките летни месеци, туку се постави и прашање каде ќе престојува големата навала од навивачи, со оглед на тоа што сите ќе планираат да останат во малиот главен град Доха. 
Но, една уникатна идеја е предложена како решение на овој проблем, а истата вклучува градење 5 различни хотели кои лебдат над вода, луксузна вила, па дури и воден парк. Предложен како заеднички проект на финската архитектонска фирма „Sigge“ и Глобалниот менаџмент за акомодација (GAM), финските дизајни се проектирани да засолнат 25.000 гости.
Овие ултрамодерни градби ќе бидат подалеку од копното, ќе имаат сопствен систем за отпадни води, одржлив генератор за струја и место за рециклирање.
Хотелите исто така ќе ги нудат сите можни удобности, приватни бродови, траекти и водни таски возила, за превезување на посетителите до и од крајбрежјето.
Објектите се планирани да бидат комплетирани за период од 7-8 години и, и покрај тоа што ќе чинат многу пари, аналитичарите веќе прогнозираат пораст на катарскиот бруто домашен производ, за периодот околу Светското првенство и по неговото завршување, поради новата катарска инфраструктура, која навистина воодушевува со својот модерен, футуристички изглед.
Воедно, Катар развива уникатно решение во борбата против горештината со која ќе се соочат фудбалерите за време на Светското првенство во 2022 година – вештачки облаци т.е. летечка чинија која би требало да ги прекрие стадионите и да ги разлади за 12 степени. Вештачките облаци ќе бидат полни со хелиум. Ќе се движат како што се движи сонцето, за трибините и терените во секој момент да бидат во сенка.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
