Претходно
Флуоресцентни морски животни низ фотообјектив
Датум: 28 мај 2013
Коментари: 0
Оваа импресивна колекција од фотографии е направена од страна на 25-годишниот фотограф Џошуа Ламбас, на Хаваите. Флуоресцентните животинки се само неколку сантиметри долги. Тие можат да се најдат 2.000 метри под површината на водата. Серијата од колоритни животни кои изгледаат како рендгенски снимки во боја, е сочинета претежно од лигни, медузи и морски ракови.
„Боите коишто тие ги произведуваат се резултат на природната рефлексија на бои од нивната пигментација. Откако работам под вода, сум преплавен со разни приказни, борби и триумфи. Гледајќи го нашиот деликатен екосистем блиску до работ на уништување, ме тера да продолжам да ја работам оваа работа и тоа не само во артистичка смисла, туку за поголема кауза. Се надевам дека ќе раскажам приказна и ќе побарам помош за оние коишто немаат сопствен глас“. – објаснува Џошуа
Џошуа досега бил на повеќе од 400 длабоки нуркања под вода и верува дека недостатокот на светлина и начин на однесување во длабочината на водата, е најблиското нешто коешто може да се спореди со вселената. Тој чека да се стемни и потоа се вози околу 5 километри на брод. Откако ќе пристигне, капетанот ги гаси моторот и светлата, за Џошуа да се нурне во водата и да може полесно да ги забележи ситните организми. Во целосна темнина, тој чека нешто да се придвижи кон него за да го фотографира. Благодарение на овој авантуристички млад фотограф, ние гледачите имаме прилика да уживаме во овие блескави суштества, останувајќи суви, на копно.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
