Артист го задржува здивот додека креира минијатурни скулптури во дупчињата на игли за шиење

Скулптурирањето е навистина тежок вид уметност, но артистот Вилард Виган од Англија ги одвел работите на сосема ново ниво. Тој создава минијатурни скулптури кои се толку мали, што може да ги собере во дупчето од игла за шиење.

Артист го задржува својот здив додека креира минијатурни скулптури во внатрешноста на дупчето од игла за шиење

Вилард ги создава своите скулптури со помош на микроскоп. Но, тешкиот дел е да ја одржува својата рака смирена додека креира. Токму затоа тој открил начин на кој може да ги намали отчукувањата на своето срце со задржување на здивот. Со задржувањето на здивот, Вилард влегува во еден вид медитативна состојба и со помош на својот пулс и рачно изработените алатки им дава облик на материјалите со кои работи. Една од алатките кои ги користи за дизајнирање има врв кој е направен од дијамант.

Артист го задржува својот здив додека креира минијатурни скулптури во внатрешноста на дупчето од игла за шиење

Откако ќе заврши процесот на обликување, тој продолжува со боење на скулптурата, користејќи влакно од обична мува како четка. Во просек, процесот на создавање една скулптура може да трае и до 8 недели. Интересно е тоа што откако ќе заврши со работата, Вилард мора да биде внимателен и да не диши многу силно бидејќи може многу лесно да ги вдиши своите креации.




Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


За авторот
Дипломиран психолог кој обожава да пишува. Отсекогаш многу ја интересирала астрономијата и физиката, а животно мото ѝ е дека не смее да помине ни еден ден без танцување. Автор на книгата „На работ од времето“, првиот дел од трилогијата „Наследството на Вероника“.

Поврзани содржини

Остави коментар