10-те најдобри уметнички инсталации што ја обележаа 2018-та година - Part 2

10-те најдобри уметнички инсталации што ја обележаа 2018-та година

6. Инсталација на саемот SCOPE Miami Beach од HOTTEA

10-те најдобри уметнички инсталации што ја обележаа 2018-та година

Ерик Ригер, познат и како HOTTEA, создава уметност со волна инспирирана од сеќавањата. Поранешниот уметник на графити има цела колекција од живописни инсталации со волна. Во 2018-та година тој направил инсталација која ги пречекувала посетителите на познатиот уметнички саем во Флорида – SCOPE Miami Beach. Ерик имал задача да направи дело кое ќе биде изложено само една недела, па решил да дизајнира нешто впечатливо чија порака ќе трае долго.

„Мојата инсталација за SCOPE Miami 2018 беше инспирирана од идејата дека ги земаме нештата здраво за готово. Штом ќе ги нема, сакаме да сме постапиле поинаку. Сонцето, дождот, ветрот, растенијата, животните, луѓето… сè може да исчезне за секунда и кога ќе се случи тоа нашето сеќавање на нив нè тера да помислиме дека има нешто над постоењето овде на Земјата.“

7. Инсталација на фестивалот Burning Man од HYBYCOZO

10-те најдобри уметнички инсталации што ја обележаа 2018-та година

Изминативе неколку години, дуото HYBYCOZO поставило неколку неверојатни инсталации на фестивалот Burning Man. Во 2018-та година, тие направиле полиедари исечени со ласер и ги поставило во музејот Уметноста на Burning Man. Без разлика кој е контекстот, дуото се надева дека нивните инсталации ќе ја разбудат љубопитноста на гледачите и ќе ги натераат да се прашуваат за геометријата и значењето на дезенот.

8. „Atelier des Lumieres“ од Culturespaces

10-те најдобри уметнички инсталации што ја обележаа 2018-та година

Во оваа инсталација се вклучени 3.000 подвижни слики кои се направени со 20 ласерски видео проектори. Инсталацијата ги нагласува делата на уметниците од Виена, вклучувајќи го и познатиот Густав Климт. Овој модерен пристап на изложбите бил прикажан во Париз.

9. „Narcissus Garden“ oд Јајои Кусама

10-те најдобри уметнички инсталации што ја обележаа 2018-та година

Во 1966-та година, Јајои ја направила првата инсталација од серијалот „Narcissus Garden“. Целта ѝ била да ја нагласи комерцијализацијата на модерната уметност и инсталацијата претставува поле со рефлектирачки сфери. Во 2018-та година, Јајои исполнила напуштена воена база во САД со 1.500 челични рефлектирачки топки. Како и претходните изложби, целта на сферите била да се обрне внимание на опкружувањето и да ги натера гледачите да ја погледнат нивната рефлексија во поголемата слика.

10. „Voyage avec d’autres“ oд ЈR

10-те најдобри уметнички инсталации што ја обележаа 2018-та година

Во 2018-та година, фотографиите на уличниот уметник JR ги освоија шините во Париз. За овој проект, уметникот поставил големи фотографии од очи на луѓе во 11 метро и железнички станици низ Париз. По неколку недели, тој одлучил постепено да ги менува делата со нови портрети направени од него. Со ротирањето на овие нови фотографии од „луѓе кои минуваат пред претходните очи“, уметникот на креативен начин ја замаглува границата помеѓу предметот и набљудувачот.

Погледнете ја и оваа неверојатна дигитална изложба во Токио која ви овозможува да влезете во светот на соништата.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар